Uanga pillunga

Misilittakkat ilinniagarlu

IT-Supporter-itut ilinniarnikuuvunga, atorfeqarlungalu IT-Konsulent-itut, ulluinnarni arfineq pingasuniik sisamat tungaanut sulisarlunga.

Danmark-imi, Viborg-imi IT-Supporter-itut atuarnikuuvunga. Atuarninni ilinniagakka makkua ilagalugit, server-ilerinerit, netværk-ilerinerit, atuisunut sullissinermut pikkorissarneq, minnerunngittumillu ajoqutinik ujaasineq.

Sunngiffinni soqutigisarivara naqqaniik qarasaasianik katiterineq aamma ataasiaannarnanga misilittagaqarfigalugu.

Massakkullu aaliangersimavunga suliffeqarfeerannguamik aallartitsiniarlunga, tassanilu inuit ikiorsinaagakkit qarasaasianut misilittagakinnernut.